Mae Llywodraeth Cymru wedi newid y gyfraith sy’n llywodraethu’r ffordd mae gwasanaethau cymdeithasol yn diogelu pobl rhag cam-drin ac esgeulustod ac yn helpu pobl i fyw bywydau llawn a bod yn fodlon eu byd.

Ymarfer a gynhelir gan y gwasanaethau cymdeithasol a’r byrddau iechyd yw’r asesiad poblogaeth, drwy gyd-bwyllgor sy’n gweithio yn yr ardal i gasglu gwybodaeth am les a’r rhwystrau iddo i’r bobl hynny y mae angen gofal a chefnogaeth arnynt, a’u gofalwyr.

Bydd yr asesiad poblogaeth yn ystyried yr hyn a allai atal pobl rhag bod angen gofal a chefnogaeth yn y lle cyntaf, neu bethau y gellir eu gwneud er mwyn atal yr angen am ofal a chefnogaeth rhag cynyddu.

Mae asesiad poblogaeth Bae’r Gorllewin yn cynnwys tair haen:

– Cyfres o we-dudalennau sy’n darparu crynodeb pwysig o anghenion gofal a chefnogaeth, gwasanaethau a phrif broblemau ardal Bae’r Gorllewin

– Cyfres o bennodau/PDFs y gellir eu lawrlwytho sy’n darparu disgrifiad manylach o drefniadau

– Cyfres o Adroddiadau Technegol/Papurau Pwnc sy’n cynnwys y dystiolaeth a dadansoddiad y mae’r ddau gynnyrch arall yn seiliedig arnynt (mae’r rhain ar gael ar gais – gweler yr adran “Cyswllt”)